iPad: Како да слушате поткасти

Како да го користите вашиот iPad за да ги слушате омилените радиоемисии и друго.

Научете како да ја користите апликацијата за поткасти за да наоѓате и да слушате претходно снимени радио-програми наречени поткасти.

Пред да почнете

Во презентациите на овој курс се користи iPad без физичко копче Дома (Home button). Ако вашиот таблет е различен, некои од чекорите може малку да се разликуваат, но сепак ќе можете да ги следите.

Пред да почнете, бидете сигурни дека iPad е вклучен, целосно полн и дека го покажува копчето Дома (Home button). Исто така, вашиот софтвер треба да биде ажуриран.

Постојат голем број различни апликации за поткаст, но во овој курс се користи апликацијата ABC Listen (ABC Listen app) за преземање и слушање поткасти.

Како да преземете апликација од App Store

Отворете ја App Store од Почетниот екран (Home screen) и допрете ја иконата за Пребарување (Search icon) во долниот десен дел на екранот.

Пребарајте ја ABC Listen.
На страницата со резултати, најдете ја ABC Listen. Таа би требало да биде прв резултат од пребарувањето.
Допрете го копчето Земи ја (Get) и во скок-полето допрете на Инсталирај (Install).
Можеби ќе треба да ја внесете лозинката за Apple ИД (Apple ID password) и да допрете на Најави се (Sign in) за да го почнете процесот на инсталирање.
Инсталирањето е целосно кога ќе се појави копчето Отвори (Open).

Како да ја користите апликацијата ABC Listen за да наоѓате и да емитувате поткасти

Отворете ја апликацијата ABC Listen (ABC Listen app) од Почетниот екран. Во горниот дел на панелот се покажуваат радиостаниците на кои можете да се вклучите. Поткастите се прикажуваат подолу организирани според категорија.

Можете да ги прелистате Најновите и најдобрите (Latest and Best) за да ги видите останатите поткасти што се достапни
Можете да ја прелистате целата страница за да видите повеќе категории.
Допрете на некој поткаст за да го слушате.
Допрете на Пребарај (Search) во левото мени за да се прикаже Лентата за пребарување (Search bar) и некои опции за пребарување.
Побарајте ја опцијата Пребарај според тема (Browse by topic) за да видите поткасти организирани во категории.
Прелистајте го списокот за да видите и други теми, како што се Новини и анализи (News & Analysis).
Употребете ја Лентата за пребарување (Search bar) за да најдете поткаст чие име веќе го знаете.
На пример, побарајте го The Health Report и потоа допрете го резултатот најгоре. Ќе се појави екранот на поткастот The Health Report.
Допрете на Емитувај (Play) за да ја слушате најновата епизода или прелистајте надолу за да видите список со претходните епизоди што исто така можете да ги емитувате.
Кога ќе допрете на Емитувај (Play), поткастот ќе се пренесува на вашиот таблет додека се емитува. Ако не сте поврзани на Wi-Fi, ова ќе потроши дел од вашите дозволени мобилни податоци.

Кога емитувате поткаст, запомнете дека треба да ја запрете репродукцијата кога ќе престанете да слушате. Апликациите како што е ABC Listen може да продолжат да работат во заднина и да ги потрошат сите ваши податоци.

Како да ја користите апликацијата ABC Listen за да преземате и да се претплатите на поткасти

Допрете ја иконата Преземи поткаст (Download Podcast icon), којашто се наоѓа до епизодата на поткаст, за да ја преземете преку домашната Wi-Fi мрежа и да заштедите податоци, и посткастот да ви биде достапен да го слушате подоцна. Кога ќе се појави мал знак за штиклирање (small tick), преземањето заврши.

За да најдете преземени поткасти, допрете на Омилени (Favourites) во левото мени на екранот на апликацијата ABC Listen (ABC Listen app screen) и потоа во главниот панел изберете Преземања (Downloads).
Допрете на кој било поткаст во списокот со Преземања (Downloads) за да го преземете.
Исто така, постојат контроли за Паузирање (Pause) на поткаст, прескокнување 15 секунди нанапред (15 seconds ahead) и 15 секунди наназад (15 seconds back).
Допрете го тајмерот за спиење (sleep timer) во горниот десен дел на екранот за да поставите поткастот да се исклучи автоматски по 10-90 минути.
За да добиете автоматски нови епизоди од некој поткаст, можете да го Следите (Follow) тој поткаст (исто така наречено Претплати се (Subscribe) во други апликации за поткаст).
На главната страница на поткастот, допрете ја иконата Следи (Follow) што личи на срце. Ако апликацијата ве запраша да го Зачувате на сметка (Save to an account), изберете Не сега (Not Now).
Десно од белешките на емисијата допрете го копчето Автоматско преземање на нови епизоди (Auto download new episodes) за да го вклучите.
За да престанете да преземате автоматски нови епизоди, исклучете го розовото копче Автоматско преземање на нови епизоди (Auto download new episodes).
Најдете ги поткастите што ги Следите (Follow) во екранот Омилени (Favourites).
За да ги избришете епизодите штом ќе ги преслушате, допрете ја иконата Поставки (Settings) во левиот дел на екранот и најдете ја опцијата Преземања (Downloads) во Слушај подоцна (Listen Later).
Допрете за да го отворите екранот Поставки на преземања (Downloads Settings) и потоа вклучете го копчето Избриши 24 часа после слушање (Delete 24 hrs after listening).